*केज प्रतिनिधी – हनुमंत गव्हाणे*
NDNEWS:
आजदिनांक – १२ मे २०२१ बुधवार रोजी युवासेना तालुका प्रमुख अरविंद थोरात यांच्याकडे एका नामांकित कंपनीत मोठ्या हुद्द्यावर कार्यरत असणारे अभियंता बंधु व देशाच्या सीमेवर तैनात असणारे फौजी बंधु यांनी नाव न सांगण्याच्या अटीवर त्यांच्या लग्नाच्या अॅनिव्हर्सरीनिमित्त निराधार वृद्धांना मदत करावी यासाठी काही रक्कम सुपुर्द केली होती.तसेच स्टेट बँक ऑफ इंडिया मध्ये कार्यरत असलेले मित्र श्रीमंत कोठावळे व एम एस एफ मध्ये कार्यरत असलेले मित्र हनुमान यादव यांनीहि सहकार्य केले.या सर्वांच्या सहकार्याने “जमा झालेली रक्कम कुठेच दान न करता किंवा इतर कोणाकडे सुपुर्द न करता “त्या रक्कमेचा सदुपयोग व्हावा यासाठी युवासेना तालुका प्रमुख अरविंद थोरात व युवासेना शहरप्रमुख तात्या रोडे यांनी परळी वैजनाथ येथील मंदिरा बाहेर असलेल्या निराधार मनोरुग्ण लोकांना मदत करण्याचं ठरवलं.
केजमधुन त्यांनी कुर्ता,पॅंन्ट,लुगडे,साड्या,मास्क,सॅनिटायजर,पाणी,बाॅटल,हॅण्डवाॅश,मेडीसीन,बिस्किट व जेवण घेऊन जाऊन परळी वैजनाथ येथील मंदिरा समोर जाऊन वास्तव्यास असलेल्या अनाथ,वृद्ध,अपंग व निराधार लोकांमध्ये वाटप केले.यावेळी नवे कपडे मिळाल्याने ती सगळी लोक खुप आनंद व्यक्त करत होती तर कोणी नाचत होतं.
- यावेळी सर्व कपडे,वस्तु देताना युवासेना तालुका प्रमुख अरविंद थोरात,शहर प्रमुख तात्या रोडे,नारायण इटकर, एमएसएफचे हनुमान यादव व परळीचे सुशिल मुंडे उपस्थित होते.