खाजगीकरण विरोधात वीज कर्मचारी संप संपाबाबत मेस्मा कायदा अंतर्गत कारवाईचा इशारा

खाजगीकरण विरोधात वीज कर्मचारी संप संपाबाबत मेस्मा कायदा अंतर्गत कारवाईचा इशारा

ND NEWS MAHARASHTRA : महाराष्ट्र राज्य विद्युत निर्मिती कंपनी मर्या, महाराष्ट्र राज्य विद्युत पारेषण कंपनी मर्या व महाराष्ट्र राज्य विदयुत वितरण कंपनी मर्या. या तीनही कंपनीतील कार्यरत म. रा. वीज कर्मचारी, अधिकारी, अभियंता संघर्ष समिती व महाराष्ट्र राज्य मागासवर्गीय विदयुत कर्मचारी संघटन या समितीने बुधवार दि. ०४ रोजी मध्यरात्री पासून खाजगीकरण विरोधात ७२ तासांचा तीन दिवसीय संप पुकारला असून या बाबत वीज निर्मिती व वितरण ही अत्यावश्यक सेवेत येत असल्या कारणाने महाराष्ट्र शासन यांच्या राजपत्रानुसार महाराष्ट्र अत्यावश्यक सेवा परिरक्षा अधिनियम, २०१७ ( मेस्मा ) अन्वये संप करण्यास प्रतिबंध करण्यात आला आहे या अनुषंगाने परळी येथील औष्णिक वीज निर्मिती केंद्र, परळी  येथील सर्व कर्मचारी, अधिकारी, अभियंते यांना महाराष्ट्र शासन राजपत्र क्र. MESMA-2022/CR.475/Energy-5 दिनांक ०३.०१.२०२३ अन्वये महाराष्ट्र राज्य विद्युत निर्मती कंपनी मर्यादित ही अत्यावश्यक सेवेत मोडत असल्याने सार्वजनिक हितास्तव संप करण्यास प्रतिबंधीत करण्यात येत आहे असल्याबाबत सूचना मुख्य अभियंता यांनी दिली आहे.