*केज प्रतिनिधी : हनुमंत गव्हाणे*
केज नगरपंचायतीच्या १७ प्रभागाच्या जागांसाठी १३जागांची निवडणूक पुर्वी झालेली असुन,दि.१८रोजी उर्वरीत ४ जागांच्या निवडणूकीसाठी २१ उमेदवारांची तगडी फाईट होणार आहे.
राष्ट्रवादी शेकाप आघाडी, काँग्रेस, शिवसेना रिपाइं, जनविकास परिवर्तन आघाडी पुर्ण ताकदीने निवडणूकीच्या मैदानात उतरली आहे.
केज नगरपंचायत निवडणुकीच्या रणधुमाळीत राष्ट्रवादी व काँग्रेसची प्रचाराची हवा जोरात असल्याची चर्चा जनतेमधून होत असुन, शिवसेना व जनविकास परिवर्तन आघाडीला प्रचार व जनतेचे मन जिंकण्यात यश मिळत नसल्याचे जनतेमधून बोलले जात आहे. त्यामुळे केज नगरपंचायत च्या उर्वरित चार जागांची निवडणूक शिवसेना व जनविकास आघाडीला जड जाण्याची शक्यता आहे. केज मधील जनता हि सामाजिक वसा जपणाऱ्या व अडचणीच्या वेळेला खंबीरपणे साथ देणाऱ्या उमेदवाराला निवडून देणार असल्याचे जनतेमधून चर्चा होत आहे.आणि ज्या उमेदवाराचे सामाजिक व राजकीय क्षेत्रात कुठलेही योगदान नाही अशा उमेदवारांना जनता मतदानाच्या रुपाने धडा शिकवणार असल्याची चर्चा जनतेमधून होत आहे.